// Archive for the ‘Featured’ Category

November 11, 11

İstanbulda “Uğur təsadüfi deyil”…

Keçən ay mənim üçün həmişəkindən daha “dolu” keçdi. 15 oktyabrda TedxBakı`da idim. İmkan olduqca Twitter`də və Facebook`da tədbirin gedişatı ərzində bəzi məlumatları paylaşdım da. Spikerlər arasında bir çox maraqlı çıxışlar oldu, ancaq fikrimcə Ted formatına ən uyğun çıxış Ahmet Saniç`in (Qafqaz Universitenin rektoru) çıxışı oldu. Başqa maraqlı çıxışlar da var idi.

17 oktyabrdan etibarən isə İstanbulun qonağı olduq. Gediş səbəbi Webrazzi Summit`də və Facebook F8 konfransında iştirak etmək idi. Texnologiya ilə bağlı yazıları bildiyiniz kimi Weboxu`da yazıram, ona görə də burada səfərin texnoloji tərəfləri barədə yox, gec də olsa ümumilikdə səfər təəssüratlarımı yazmaq istədim. Webrazzi Summit 19 oktyabr, Facebook F8 isə 20 oktyabrda planlaşdırılmışdı. Belə sanballı iki texnologiya event`inə getmək şansını əldən vermək heyif olardı. Buna görə də işləri planlaşdırıb yola düşdük.

[ Continue reading… ]

July 4, 11

TEDxBakı Gənclink

2 iyun 2011: TEDxBakı Gənclink`də oldum. Bu sayca üçüncü lokal TEDx olsa da mən birinci dəfə idi iştirak edirdim. Belə bir formatın Azərbaycanda rəğbət görməsi məni yaxşı mənada təəccübləndirdi. TED`in nə olduğu ilə maraqlananlar rəsmi saytından (http://www.ted.com/) bu barədə məlumat əldə edə bilərlər. Çox məşhur formatdır və axtarsanız çox detallı məlumat tapa bilərsiniz.

TEDxBakı`dakı fərq ordakı iştirakçıların müxtəlifliyində idi. Tamam fərqli ideyalı adamların çıxışlarını dinləmək yaxşı təssüratlar yaratdı. Mən şəxsən ən çox öz təcrübələrindən danışan insanların çıxışlarını maraqla dinlədim. Öz həyatını, peşəsini, bir sözlə – öz hekayəsini danışanlar məncə daha diqqətə layiq idi. Əks təqdirdə quru və qeyri-səmimi təsir bağışlayırdı. Haradansa oxuduğun məqaləni çatdırmağa çalışanda o dəqiqə hiss olunur. Amma ümumilikdə götürəndə məncə əgər təşkilatçılar maksimum 150 nəfər gözləyirdilərsə – 200 nəfərin gəlməsi, belə bir formatlı tədbir üçün nə qədər uğurlu keçdiyinin göstəricisidir.

Çıxışlardan əlavə oradakı şəbəkələşmə də tədbirin ayrı bir müsbət tərəfidir məncə. Çoxdandır görmədiyim insanları görmək, söhbət etmək, fikirlərimi bölüşmək imkanı qazandım. Məncə digər iştirakçılara da danışdıqlarını dinləyəcək bir çevrənin olduğunu bilmək hissi xoş təsir bağışladı.

[ Continue reading… ]

June 18, 11

Köhnə “müəllimimə” xitabən – “köhnə portal”

Elə günlər olur ki, həmin günü yaşayanda gələcəyinə necə təsir edəcəyi haqqında ən xırda bir təsəvvürün belə olmur. Mən həmin günü avqustun 6-ı 2004-cü ildə yaşamışam…

İndiki kimi yadımdadır, Bakı istisində internetdən gütürdüyüm ünvanı axtarıb tapmağa çalışırıq (dostumla birlikdə). Azerhost`un ofisini axtarıram. Əlaqə saxlayan zaman demişdilər ki, “Ağır Cinayətlərə Dair İşlər üzrə Məhkəmə”nin yanındadır. Həmin şirkət barəsində TV-də gedən bir verlişdə eşitmişdim. Maillə əlaqə saxlamışdım və “uşaqlarla” uzun müzakirədən sonra bir-çox domain adlarını saf-çürük edib 5-6 adlıq domain siyahısı tərtib edib göndərmişdik. Nəticədə aydın olmuşdu ki, Xazar.com domaini boşdur və almaq olar. (bəlkə nə vaxtsa domaini alacaq mərhələyə kimi olan hissəni də yazaram…)

… Artıq şirkətin ofisini tapmışam. İçəri daxil olub kompüter arxasında çalışan xanıma yaxınlaşıram, maillə əlaqə saxladığımı, domain almaq istədiyimi izah edirəm. Xanım domain adını soruşanda Xazar.com deyirəm və xanım dəqiqləşdirmək üçün bir neçə dəqiqə vaxt istəyir, bu müddət ərzində gözləmək üçün isə divanda oturmağa yer göstərir. Divanda oturarkən şirkətin sertifikatlarına və diplomlarına baxıram və əmin oluram ki,  Azerhost da Azer.net qrupa daxildir.

[ Continue reading… ]

May 14, 11

Peşə”KAR”lıq…

tarix üçün qeyd: Bu barədə yazmağı çoxdan düşünürdüm. Məhz buna görə qabaqcadan planlı olaraq çəkdiyim şəkillər belə var idi. Qismət bu günə yazmaq imiş…

Düşündükcə gördüm fikirlərim çox uzundur ona görə iki hissədən ibarət yazmağı məsləhət bildim. Bu birincisi. İkincisini də nə vaxt ilham gəlsə onda qaralamadan çıxarıb post halına gətirərəm. İndiki yazımda işləməyə yeni başlayanlar və ya işləməyi xəyal edən tələbələrə xırda-para məsləhətlərimi yazmaq istəyirəm.

Aşağıda görünən yol mənim işə gedən yolum idi. Çox dar və narahat idi. Yolun tam ortası qazılmış və torpaqlar kənara yolun qırağına yığılmışdı. Hər gün bu “uçurum”un kənarı ilə ustalıqla yıxılmadan o dar yoldan keçib getmək lazım gəlirdi.

[ Continue reading… ]

April 22, 11

Görünməmiş wi-fi.. və ya, “Görməmiş” wi-fi

Oxatan`dan bu yana online olaraq blog postlarla nədənsə şikayət etdiyim uzun zaman olmuşdu. Mən dilimi dinc saxlamağa çalışsam da görünür yaranan vəziyyət buna imkan verməyəcək. Yazıma uzun-uzadı giriş vermədən mətləb haqqında sizi agah eləmək istəyirəm: “dava internet davasıdır”. Əslində davanın mənbəyi internetdən başlasa da problem xidmət anlayışının olmamasındadır. Bu postu Weboxu`da yazmamağıma səbəb mənim bu dəfəki internet davamın provayderlərlə filan deyil, şəhərin müxtəlif məkanlarında yazılan “Wi-fi zone” işarəsinin gözlədiyimi verməməsidir. Yəni bu dəfə xidmət sferasının başqa sahəsində olan çatışmamazlığı yazmaq istədim. Əslində mütəmadi olaraq bu barədə narazılığımı FacebookTwitter`dəki statuslarımdan hiss eləmək olar. Bu barədə fikirlərimi ətrafımdakılara deyəndə məsələnin təkcə mənə yox, başqalarına da qaranlıq qaldığını gördüm. Ola bilsin ki, mən məsələyə səhv tərəfdən baxıram kimsə bu restoran və əyləncə sferasında işləyirsə bəlkə məntiqli bir izahla məni və mənim kimi narazı insanları məsələnin iç üzündən agah edə bilər.

Getdiyim yerlərdə internetdən istifadə etmə istəyim yeni-yeni qoşulduğum Foursquare şəbəkəsinə üzvlüyümdən sonra meydana gəlməyə başladı. Şəbəkənin iş prinsipi belədir ki, getdiyiniz yerlərdə “check-in” edirsiniz və həmin yer barədə fikirlərinizi və məsləhətlərinizi dostlarınızla paylaşırsınız ki, dostlarınız həmin yerdə olanda əgər birinci dəfə gəliblərsə həmin yer haqqında təsəvvürləri olsun və nə sifariş etməli, nə yeməli, nəyi sifariş etməməli olduqlarını öz dostlarından öyrənsinlər. Əcnəbi ölklərdə təbii ki, bu şəbəkəni biznes müəssələri və xidmət sferasının peşəkarları daha məqsədəuyğun və yararlı istifadə edirlər, amma bu başqa mövzunun yazısıdır. Bizdə isə nəinki sosial medianı istifadə etmək ağıllarına gəlmir hətta necə yaxşı xidmət etmək olar barəsində də təsəvvürləri yoxdur.

[ Continue reading… ]

  • follow @msadig